البـــــــــــارحـــه

صح لسانك
كلماتها قويه وحلوه

تعجر كلماتي في الإيحاء لكم بمدي اعجابي وانبهاري
برقة وجمال وروعة ما قدمت من سحر أخاذ
فحروفك جذبتني واثارت نبض قلبي وقلمي فخطت اناملي
ما جال بخاطري ....أرجو أن تتقبليني بين سطورك

كل الود والتقدير ..........

يا لعنبو اللي مـا يسطّـرك بنعـال
حتـى يعلمـك الغــــزل يـا بهيمـة

( تفو ) عليك وصكّت الخط في الحال
مدري ( تفو ) هيمدح ولاّ شتيمـة
روووووووووعة صح للسانك ولسان قايلها ويسلمووو ع النقل

أ

طرح عليكم هذي القصيده المنقوووله وأرجوا أن تنال أعجابكم ولا نستغني عن مروركم الكريم

البارحـة جاني مـن الحـب مرسـال
من عقب ما بينـي وبينـه خصيمـة

وانا ترىفي الحــب ما نيـب فعّـال
ولا بعـد ولّـع بقلبــــــــي هشيـمـه

ولا بعد غنّيت فـي ساعـة وصــال
ولا بعد ذقـت الفـراق وجحــيمــه

ولا جرى دمعي على الخـدهمّـال
ولابعــــــد جربـت مــرّ الهزيـمـة

حتى وردنـي تالـي الليــــل جـوال
وانا على شاهي وبسكـوت ديمـة

الرقم بايخ لكــــــن الصـوت قتـال
كنه مثل صـــوت المذيعـة حليمـة

قالت مساء الخير يـا طيّـب الفـال
قلـت ارحبـــي ترحيبـةٍ مستديمـة

بالعود والصفـري ودلـة وفنجـال
واجبك يا بنت الأصـول الكريمـة

ردت بضحكة ثم قالت وش الحـال؟
قلت اشهد إن الحال عقبك سقيمـة

قالت وهي تضحك بعد مثل الأطفال
وانـا بعـد كنـــــــــي بدونـك يتيمـة

من يـوم قالتـــــهـا تزلزلـت زلـزال
من فجعتي كنــــي مسـوي جريمـة

قلت ارفعي صوتك ترى مابه ارسال
كـذاب لكـــــــــــنّ المصيبـة عظيمـة

قالت أقول اسمع ترى هرجنـا طـال
ممكـن تصاحبنـــي ترانـي وسيمـة

واسمي الحقيقي أول حروفـه الـدال
لكـن يسمّونــــــي البنـات الزعيمـة

صحيح أحب الفخفخة واعشق المال
لكـن ترانـي طــــــــاهـرة مستقيـمـة

ما عندي امغازل ولا (لعب جهال)
ما عندي إلا في الشرف والحشيمـة

بس الصراحة قلبي لشوفتـك مـال
واصبحت وحدك جالسٍ في صميمه

فكّر بعقلك واترك القيـــــل والقـال
واحذر تطيع اهل العقـول العقيمـة

وارسل علي الحين خمسميـةريـال
أشحــــن بهـا جـوال أختـي غنيمـة

أو طقم غالي فيه خاتـم وسلسـال
أروح بـه فـي عـرس ولاّ عزيمـة

قلت الحقيقة مانيب رجـل أعمـال
ولانـي بتاجـر والمـوارد عديـمـة

أنا الصراحة شبـه عطّـال و بطّـال
وعلاقتـي بالفقـر جـداً حميـمـة

والراتب الله يرحم الحـال مـازال
محـدود والمصـروف ربي عليمه

والدين بـالآلاف والبنـك شغّـال
ياكـل فلوسـي بالربـا والظليمـة

والسوق طايح والغلا ضيّـق البـال
والموت والله صايـر اكبـر غنيمـة

قالت تحمّل بـس والحمـل ينشـال
خلك شديد الباس صلـب العزيمـة

ياخي تصرّف جعلك اتصيـرنشّـال
أهـم شـي إن النـــــــوايـا سليـمـة

لابد تفهمني علـى كـل الأحـــــوال
ما دمت من أهل العقـول الفهيمـة

قلت إيه والله فاهم اللي على البـال
لكن تــــــــرى هـذي علينـا قديمـة

يا بنت هـذا صايـر اليـوم مـوال
للي تبي تلعب علـى ابـن اللئيمـة

يا بنت ما تدرين كـم فيـه محتـال
يلعب على الحبلين وانتـي غشيمة

يا بنت كم من جاهلة دمعهاسـال
من عقب ما جات العواقب وخيمـة

والبنت لا اقفى عرضها بيدالأنـذال
والله مـا يبقــــــــــى لهـا أي قيـمـة

قالت تبي ولاّ فخلّك علـى جـال
مهوب ناقصـي نصايـح حكيمـة

عز الله إنك للأسف منـت رجّـال
وانك قليل الذوق ما فيـك شيمـة

يا لعنبو اللي مـا يسطّـرك بنعـال
حتـى يعلمـك الغــــزل يـا بهيمـة

( تفو ) عليك وصكّت الخط في الحال
مدري ( تفو ) هيمدح ولاّ شتيمـة

وسلآمتكم الله الله